МАХНЫ ДУНДАЖ ҮНЭ
2026 оны 11 дүгээр сарын 09-ны өдрийн байдлаар хонины ястай мах нэг килограмм нь дунджаар 24368 төгрөг, үхрийн ястай мах нэг киллограмм нь дунджаар 29690 төгрөгийн үнэтэй тус тус худалдаалагдаж байна.
ГУРИЛЫН ҮНЭ
“Алтан тариа” нэрийн савласан нэг кг гурилын дундаж үнэ дээд зэрэг нь 3508 төгрөг, 1-р зэрэг нь 2529 төгрөг, 2-р зэрэг нь 1574 төгрөг байна.
Худалдан авагч ихээр үйлчлүүлдэг “Барс” худалдааны төвд “Алтан тариа” нэрийн савласан нэг кг гурилын дундаж үнэ дээд зэрэг нь 3200 төгрөг, 1-р зэрэг нь 2300 төгрөг, 2-р зэрэг нь 1500 төгрөгөөр тус тус худалдаалагдаж байна.
ХҮНСНИЙ НОГОО
Өмнөх долоо хоногтой харьцуулахад монгол байцаа 1.9 хувиар өсөж 2894 төгрөг, хүрэн манжин 1.8 хувиар өсөж 3188 төгрөг, монгол сонгино 1.3 хувиар өсөж 3604 төгрөгийн дундаж үнэтэй байна. Харин монгол төмс, монгол луувангийн үнэ тогтмол байна.